【職場生存必備系列 — 請假學問＜下屬篇＞ 】 #職場生存必備 #MrBusiness
...

【職場生存必備系列 — 請假學問＜下屬篇＞ 】 #職場生存必備 #MrBusiness

職場請假，背後亦有學問，雖然請假喺每個員工嘅權利，唔需要為請假覺得唔好意思，但剛入職的朋友，對於請假總有些少顧忌，無論係真有事定假有事，同老闆講要請假總係覺得好難，一來關乎請假 Timing；二來唔知老闆老或同事是否喺呢段時間人手充足，所以請假絕對係一門學問。

遞紙請假有咩要注意？

1) 完成手頭上 Project
如果你啱啱完成手頭上既 Project，你嘅 Bargaining Power 自然會大啲，交假紙前先清楚交代工作進度，上司自然滿意你表現，想 SAY NO 都難。

2）提前跟同事夾好
每年年頭網上都會出現唔少請假攻略，唔係話紅日連假唔請得，但謹記唔好太過份。如果每次紅日前後都自製長假，上司會點睇？聽過朋友公司會同員工約法三章，太多同事「撞咗假」就抽籤決定。長假期前後安排人手係上司最頭痛嘅事之一，所以同事之間最好事先夾定，等大家有心理準備，可以提早安排，同事關係自然更和諧。

3）Ad hoc 請假 （臨時請假）
臨時請假係人之常情，一般都係因為有緊急突發事情，上司、同事都會理解。要 Ad hoc 拎假要盡早打電話或者 send message 同上司講聲，呢個喺最基本既禮貌。請完假，公司如果有緊急事情搵你，在處理完事情後，要記得回覆電話或message，事在人為，要交帶一聲點都交帶到。

4）請假前交帶清楚
作為下屬，將心比己，你想請人批假同時，都要俾人批得舒服 ，請假時多同上司溝通，講清楚請假時間，上司最關心莫過於假期間你手頭上嘅工作邊個同事跟。事前交代清楚，上司又放心，又可以避免工作上的失誤。

所以千祈唔好睇小每件小事，做大事要從小事做起。請假請得好，上司安心之餘，會覺得你做事有交帶，份人有有責任感，日後就有機會放心委以重任。

---